युनिकोड
सिप्रदी ट्रेडिङले निःशुल्क ६ महिने अटो इलेक्ट्रिसियन तालिम सञ्चालन गर्ने भएको छ। १८ वर्ष पूरा भई २५ वर्ष ननाघेका योग्यता पुगेका नेपाली नागरिकहरुले यो तालिममा समावेस हुन पाउने कम्पनीले बताएकाे छ ।
अटोमोबाइल विषयमा १० कक्षा उत्तीर्ण गरेको र राष्ट्रिय सीप परीक्षण समितिबाट अटोमोवाइलविषयमा लेबल १/लेबल २ उत्तीर्ण गरेकाले तालिममा सहभागी हुन पाउनेछन्।
तालिमको लागि पुस २९ गतेसम्म सिप्रदीको केन्द्रीय कार्यालय तथा शाखा कार्यालयहरुमा दरखास्त बुझाउनुपर्ने जनाएकाे छ ।
तालिम अवधिभर तालिम भत्ताका साथै उत्कृष्ट प्रशिक्षार्थीहरुलाई सिप्रदीले नेपालभरि फैलिएका विभिन्न वर्कशपहरुमा रोजगारीको अवसरहरुमा प्राथमिकता दिइने सिप्रदीले जनाएको छ। ६ महिने तालिम सिप्रदीको तालिम केन्द्र, चन्द्रागिरि काठमाडौँमा हुनेछ।
प्रतिक्रिया