पहिरोले नारायणगढ–मुग्लिन सडक बन्द

नारायणगढ–मुग्लिन सडकखण्डमा पहिरो खस्दा यातायात बन्द भएको छ। सडकखण्डअन्तर्गत भरतपुर महानगरपालिका–२९ केराबारीमा आज बिहान पहिरो खसेको हो। 

पहिराका कारण सडक दुईतर्फी बन्द भएको जिल्ला प्रहरी कार्यालयका प्रवक्ता प्रहरी नायब उपरीक्षक नरहरि अधिकारीले जानकारी दिए। 
अवरुद्ध सडक खुलाउन पहल भइरहेको उनले बताए। 

निरन्तर पानी परिरहेकाले बगिरहेको लेदो पन्छाउन कठिन भएको छ। पहिराका कारण सो सडक भएर गुड्ने सवारीसाधन बाटोमै रोकिएका छन्। रासस