हनुमन्ते खोला पसेपछि भक्तपुरको शान्ति निकेतन मावि बन्द

हनुमन्ते खोलाको बाढी पसेपछि भक्तपुरस्थित शान्ति निकेतन मावि आज (बुधबार) बन्द गरिएको छ। 

विद्यालयले सूचना जारी गरी विद्यालयको भुइँतला पूरै डुबानमा परेकाले आजका लागि पठनपाठन बन्द गरिएको जानकारी दिएको हो। 

तर भोलि (साउन १७ गते) सुरु हुने प्रथम त्रैमासिक परीक्षाको तयारीका लागि आज विद्यालय प्रशासन खुला रहने विद्यालयले जनाएको छ।

साथै परीक्षा नियमित तालिकामै सुरु हुने विद्यालयले जानकारी गराएको छ। 

• बल्खुमा बागमती उर्लिंदा सुकुमवासी बस्ती जोखिममा (तस्बिरहरू)
• बल्खु खोलाले बगाउँदा काठमाडौँमा १ जनाको मृत्यु