युनिकोड
जेनेसिस प्रालि एएन्डएस इभेन्ट्सले पहिलोपटक राइड विथ भ्लगर्स कार्यक्रम सञ्चालन गर्ने भएको छ।
आगामी असोज ३ मा हुने कार्यक्रममा भ्लगरहरु टुह्विल टुरिङका विज्ञ सहभागी हुने कम्पनीले जनाएको छ।
एफआईएम तथा नेपालको मोटरसाइकल÷मोटर स्पोर्ट्स, अटोमोबाइल्स मोबिलिटी तथा ड्राइभ र टुह्विल टुरिङ तथा रोड सेफ्टीको लागि राष्ट्रिय संघ नेपाल अटोमोबाइल्स एसोसिएसन (नासा नेपाल)सँगको सहकार्यमा कार्यक्रम हुनलागेको हो।
नेपालमा सामाजिक सञ्जालको लोकप्रियता र प्रभावकारिता बढिरहेको अवस्थामा यसप्रकारको राइडले टु ह्विल टुरिङ र मोटरसाइक्लिङ तथा मोटर स्पोर्ट्सलाई समेत अझ सुरक्षित व्यवस्थित तथा थप लोकप्रिय बनाउन मद्दत पुग्ने जनाइएको छ।
कार्यक्रमको समयतालिकाअनुसार ३ गते भ्लगरसँग अन्तर्क्रिया, दिउँसो काठमाडौं–मार्खु राइड तथा फोटोग्राफी र भिडियोग्राफी तथा साँझ भ्लगर्स मिट एन्ड ग्रिट गरिनेछ।
त्यस्तै नासा नेपालले पर्यटन बोर्डको प्रकाशन गरेको टु ह्विल टुरिङ इन नेपाल म्यानुअल बुकको सार्वजनिक गर्ने समेत कार्यक्रम छ।
प्रतिक्रिया