सुनको मूल्य तोलाकै १ लाख ४९ हजार ९ सय रुपैयाँ, चाँदीको कति?

सुनको मूल्य तोलाको १ लाख ४९ हजार ९ सय रुपैयाँ पुगेको छ। 

बिहीबार १ हजार ६ सयले बढेर १ लाख ४९ हजार ४ सय पुगेकामा आज फेरि ५ सय रुपैयाँले बढेको हो। 

यो हालसम्मकै उच्च मूल्य हो। यसअघि साउन २ गते छापावाल सुन १ लाख ४९ हजार ८ सय रुपैयाँमा कारोबार भएको थियो। 

नेपाल सुनचाँदी व्यवसायी महासंघका अनुसार चाँदीको मूल्य भने थोरैले घटेको छ। योसँगै चाँदी १ हजार ७ सय ९५ रुपैयाँमा कारोबार भएको छ। 

अन्तर्राष्ट्रिय बजारमा चाँँदी २८.८९ र सुन २ हजार ४६३ अमेरिकी डलर प्रतिऔँस मूल्यमा कारोबार भएको एजेन्सीहरुले जनाएका छन्।