हङकङमा साढे दुई अर्बको लागू औषधसहित दुई दक्षिण एसियाली पक्राउ

हङकङ प्रहरीले एक सय ७० मिलियन हङकङ डलर (करिब दुई अर्ब ५७ करोड रुपैयाँ) मूल्य बराबरको लागू औषधसहित फानलिङबाट आइतबार एक पाकिस्तानी र एक बंगलादेशी मूलका नागरिक पक्राउ गरेको छ।

उनीहरूले कारोबार गर्ने उद्देश्यले फलफुलको जुसको डिब्बामा हिरोइन र केटामाइनसहित १७८ किलो लागू औषध राखेको भेटिएको प्रहरीले जनाएको छ।

‘यो वर्षकै यो सबैभन्दा ठूलो लागू औषध काण्ड हो’, ती प्रहरी अधिकारीलाई उधृत गर्दै द स्ट्याण्डर्डले लेखेको छ।

दुवै जनालाई फानलिङ मजिष्ट्रेट अदालतमा प्रस्तुत गरिएको छ।