पोखरामा तालको पानी पसेर घरभित्रै फसेका ४ जनाको उद्धार

कास्कीको पोखरा महानगरपालिका-२७ स्थित दिपाङ तालको पानी बस्तीमा पस्दा डुबेका ४ जनालाई सशस्त्र प्रहरीले सकुशल उद्धार गरेको छ। 

सशस्त्र प्रहरीका अनुसार गुल्मी घर भई हाल पोखरा बस्ने ५४ वर्षीय रामबहादुर अधिकारीको घरभित्र तालको पानी पसेको हो।

घरभित्र पानी पसेपछि फसेका रामबहादुरसहित ३९ वर्षीया सिर्जना अधिकारी, ६ वर्षीय आयुष अधिकारी र ४ वर्षीया आयुष्का अधिकारीलाई सशस्त्र प्रहरीले निकालेको हो।

सशस्त्र प्रहरी बल नेपाल नं. २४ कालिका गण कास्कीबाट खटिएको विपद् व्यवस्थापनसहितको टोलीले उनीहरूको सकुशल उद्धार गरेको सशस्त्र प्रहरीका सहप्रवक्ता डीएसपी शैलेन्द्र थापाले जानकारी दिए।