युनिकोड
मंगलबार पाकिस्तानको सर्वोच्च अदालतमा विस्फोट भएको छ।
बीबीसी हिन्दीका अनुसार घटनामा कम्तीमा १२ जना घाइते भएका छन्।
इस्लामाबादका प्रहरी महानिरीक्षक अली नासिर रिजवीले ग्यास चुहावटका कारण विस्फोट भएको बताए।
उनले भने, 'सर्वोच्च अदालतको बेसमेन्टमा रहेको क्यान्टिनमा बिहान १०:५५ बजे ग्यास विस्फोट भएको हो। घटनामा बाह्र जना घाइते भएका छन्।'
नासिर रिजवीका अनुसार घाइतेमध्ये दुई जनाको अवस्था गम्भीर छ।
इस्लामाबादका महानिरीक्षकका अनुसार सर्वोच्च अदालतको बेसमेन्टमा रहेको क्यान्टिन र चिया पसलबाट तीन दिनदेखि ग्यास चुहावटको गुनासो आइरहेको थियो।
नासिर रिजवीले भने, 'विस्फोटको समयमा क्यान्टिनमा एक एसी प्राविधिक काम गरिरहेका थिए र उनी सबैभन्दा बढी घाइते भएका छन्।'
प्रतिक्रिया