क्यासिनोको विवादले गोली प्रहार, निर्वाणा होटलका सुरक्षा गार्ड घाइते

रुपन्देहीको भैरहवास्थित निर्वाणा होटलमा गोली चलेको छ। गोली लागेर होटलमा कार्यरत सुरक्षा गार्ड सामान्य घाइते भएका छन्।

रुपन्देही प्रहरी प्रमुख एसपी प्रदीप क्षेत्रीका अनुसार गएराति होटल निर्वाणाको क्यासिनोमा २ समूहबीच विवाद भएको थियो। विवाद तीव्र भएपछि दुवै समूह होटलको गेटसम्म आएका थिए, जहाँ एक समूहले गोली प्रहार गरेको प्रहरीले बताएको छ।

गोली चलाउने समूहका ३ जना व्यक्तिहरु फरार रहेको र उनीहरूको खोजी कार्य तीव्र पारिएको एसपी क्षेत्रीले जानकारी दिए। उनका अनुसार, क्यासिनोमा रहेका केही व्यक्तिसँग सोधपुछ समेत भइरहेको छ।