युनिकोड
यतिबेला (शनिबार बिहान) तराईमा बाक्लो हुस्सु/कुहिरो लागेकाले सवारीसाधन चलाउन समस्या भइरहेको छ।
हुस्सु/कुहिरोका कारण बाटो देख्न मुस्किल पर्दा सवारीसाधन दिनमै बत्ती बालेर गुडिरहेका छन्।
हेर्नुहोस् सर्लाही हरिवन-लालबन्दी क्षेत्रको भिडिओ-
झन्डै दुई सातादेखि तराईको अवस्था यस्तै छ। कुनै दिन दिउँसो एकैछिन घाम देखिए पनि दुई साता यता अधिकांश दिन शीतलहर र हुस्सुमै बितेका छन्।
विद्यालयहरूले जाडो बिदा सकेर पढाइ सुरु गरे पनि चिसो झन् बढ्दै गएको छ।
स्कुल जाने बालबालिका र दैनिक मजदुरी गर्नुपर्ने वर्ग बढी मारमा परिरहेका छन्।
मौसम पूर्वानुमान महाशाखाका अनुसार अहिले (शनिबार बिहान) तराईका अधिकांश स्थानमा हुस्सु/कुहिरो लागेको छ।
सर्लाही हरिवन-लालबन्दी क्षेत्रका शनिबार बिहानका थप तस्बिर
प्रतिक्रिया