स्पेनलाई हराउँदै हङकङ टेबल टेनिसको सेमिफाइनलमा

पेरिस ओलम्पिकको मिक्स डबल्स खेलमा स्पेनलाई हराउँदै हङकङ सेमिफाइनलमा प्रवेश गरेको छ।

हङकङका टेबल टेनिस जोडी डु होइ र वोङ चुनले स्पेनी जोडीलाई पराजित गरेका हुन्।

५० मिनेटसम्म चलेको क्वाटर फाइनलमा हङकङका जोडीले स्पेनी जोडी मारिया जिओ र रोबल्स अल्भारोलाई ४-२ (९-११, ११-९, ११-४, १०-१२, ११-२, ११-८) ले हराए।

खेलको अन्तिममा ०-४ ले पछि परेको हङकङ दबाबलाई उत्प्रेरणामा परिणत गर्दै ११-८ ले जितेर सेमिफाइनलमा प्रवेश गरेको हो।

डु र वोङले सोमबार राति किम कुम योङ र रि जोङ सिकको सामना गर्नेछन्। (द स्ट्यान्डर्ड)