चक्रवात यागी हङकङतर्फ नजिकिँदै, बेलुका टी१ संकेत जारी हुने

हङकङ अब्जर्भेटरीले मंगलबार बेलुका ५ देखि ८ बजेको बीचमा टाइफुन नम्बर १ संकेत जारी गरिने जनाएको छ।

उष्णकटिबन्धीय चक्रवात यागी हङकङतर्फ अघि बढिरहेको र हाल यो सहरदेखि ६ सय किलोमिटरको दूरीमा रहेको जनाइएको छ।

‘वर्तमान पूर्वानुमान अनुसार उष्णकटिबन्धीय चक्रवात यागीले हङकङबाट ६ सय किलोमिटरभन्दा बढीको दूरी कायम गर्नेछ,’ बिहान साढे ९ बजेको बुलेटिनमा अब्जर्भेटरीले भनेको छ, ‘दिउँसोको समयमा भने यसले सहरमा प्रत्यक्ष प्रभाव पार्ने छैन।’

मंगलबारको मौसम सामान्यतया सफा र गर्मी रहने अब्जर्भेटरीले जनाएको छ। साथै केही स्थानमा हावाहुरीसहित वर्षा समेत हुनेछ। बुधबार पनि केही स्थानमा मेघगर्जनसहित वर्षा हुने मौसमविद् जनाएका छन्।

आज हङकङमा न्यूनतम २८ देखि अधिकतम ३४ डिग्री सेल्सियससम्म तापक्रम रहनेछ। दिउँसो १२ः४० को अब्जर्भेटरीको अपडेटमा सहरको तापक्रम ३१.७ डिग्री सेल्सियस रहेको छ।