हङकङ : सेन्ट्रलको चाइनाचेम टावरमा ठूलो आगलागी, ४ जना घाइते

हङकङको सेन्ट्रलमा रहेको चाइनाचेम टावरमा ठूलो आगलागी भएको छ। हालसम्म प्राप्त जानकारीअनुसार आगलागीबाट चार जना घाइते भएका छन्।

स्थानीय मिडियाहरूले जनाएअनुसार, शनिबार दिउँसो भवनको छेउमा रहेको स्काफोल्डिङमा आगलागी भएको हो।

४ घण्टासम्म लागेको आगो अहिले भने नियन्त्रणमा आइसकेको छ। टावरभित्र फसेका कम्तीमा चार जनालाई उद्धार गरिएको छ।

अधिकारीहरूका अनुसार, ३६ वटा दमकल, १५ एम्बुलेन्स र १८४ प्यारामेडिक्स र अग्निनियन्त्रकको टोलीले ४ घण्टाको अथक प्रयासपछि आगो नियन्त्रणमा लिन सफल भएको हो। आगो निभाउने क्रममा ड्रोन पनि प्रयोग गरिएको थियो।