यहाँ गएको चार दिनयता लगातार संक्रमित भेटिन थालेपछि हङकङका स्वास्थ्य अधिकारीहरुले कोरोनाको तेस्रो लहर सुरुवात भएको बताएको एससीएमपीले जनाएको छ।
गत बुधबार २६, बिहीबार ३४, शुक्रबार ३८ र आज शनिबार २० नयाँ संक्रमित भेटिएका हुन्। यससँगै हङकङमा कोरोना संक्रमितको संख्या १४ सय ३ पुगेको छ। संक्रमितमध्ये ७ जनाको मृत्यु हुँदा झन्डै १२ सय उपचारपछि स्वस्थ बनेका छन्।
गत बुधबार लामो समयपछि नयाँ संक्रमित देखिएका थिए। यससँगै हङकङका व्यस्थ ठाउँमा कोरोनाविरुद्धको नियम कडा बनाउन भनिएको छ।
होटल र रेस्टुरेन्टमा एक टेबलमा ८ जनालाई मात्र बस्न भनिएको छ। शुक्रबार ३८ संक्रमित देखिएपछि विद्यालय फेरि बन्द हुने बताइएको छ।
प्रतिक्रिया