हङकङकका मुख्य सचिव म्याथ्यु चिउङले हङकङमा सोमबारदेखि अनिवार्य मास्कको नियम लागू भएको जानकारी दिएका हुन्।
उनले नियमको पालना नगर्नेलाई ५ हजार हङकङ डलर जरिवाना हुने समेत जानकारी दिए।
हङकङमा सोमबार हालसम्मकै धेरै कोरोना संक्रमितहरु थपिएको दिन अनिवार्य मास्कको नियम लागू गरिएको छ।
सोमबार मात्र यहाँ १ सय ४० कोरोना संक्रमित थपिएको साउथ चाइना मर्निङ पोस्टले जनाएको छ।
२ हप्तायता हङकङमा दैनिक धेरैको संख्यामा कोरोना संक्रमितहरु थपिरहेका हुन्।
सोमबार एकैपटक १ सय ४० कोरोना संक्रमित थपिएसँगै यहाँका रेस्टुरेन्टमा बसेर खाना तथा खाजा खान नपाइने नियम पनि बनाइएको छ।
बुधबारदेखि यो नियम लागू हुनेछ। होम प्याकिङको व्यवस्थालाई भने बन्द नगरिएको बताइएको छ।
लगातार ६ दिनयता हङकङमा सयभन्दा बढी कोरोना संक्रमित थपिरहेका हुन्।
हालै हङकङकी कार्यकारी प्रमुख क्यारी लामले कोरोना नियन्त्रणको लागि मुख्यक्षेत्र चीनसँग सहयोग माग्ने बताएकी थिइन्।
हङकङमा हालसम्म २६ सय ३० भन्दा बढीका कोरोना संक्रमण पुष्टि भएको छ। यहाँ २० जनाको मृत्यु भइसकेको छ।
प्रतिक्रिया