रुपन्देही क्षेत्र नम्बर ५ मा प्रतिनिधि सभाको लागि एमालेबाट दुई जनाको उम्मेदवारी परेको छ। तिलोत्तमाका पूर्वमेयर तथा एमालेका प्रदेश सदस्य बासुदेव घिमिरेले दिउँसो साढे ३ बजे उम्मेदवारी दर्ता गराएका हुन्। उनको दर्ताको क्रम संख्या ११ छ।
त्यसको १ घण्टा १५ मिनेटपछि पौने ५ बजे एमालेका पोलिट्ब्युरो सदस्य खिमलाल भट्टराईले मनोनयन दर्ता गरेका थिए। उनको क्रम संख्या १७ छ।
खिमलाल भट्टराईलाई पार्टीले आधिकारिक उम्मेदवार बनायो। राष्ट्रिय सभामा एमालेको प्रमुख सचेतक समेत रहेका भट्टराईले सांसद पदबाट राजीनामा दिएर पार्टीको पत्र लिएर आए। एमालेको तर्फबाट उनले पनि उम्मेदवारी दर्ता गराए। दुवैको उम्मेदवारी दर्ता भए पनि एमालेको आधिकारिक उम्मेदवार को भन्ने अझै टुंगो लागेको छैन।
यता खिमलाल भट्टराईले पार्टी अध्यक्षको सिधा आदेश र पार्टी कार्यकर्ताको मागबमोजिम आफूले उम्मेदवारी दिएको बताएका छन्।
भटराईले रुपन्देही ५ बाट उठ्ने लामो तयारी गरेका थिए। अर्कै क्षेत्रका घिमिरेलाई टिकट दिएपछि स्थानीय कार्यकर्ता आक्रोशित भएका थिए।
रुपन्देहीका जिल्ला निर्वाचन अधिकारी अयोध्या भण्डारीले एमालेको तर्फबाट दोहोरो उम्मेदवारी परेको र को अधिकारिक हो भन्ने बारेमा भोलि टुंगो लाग्ने जानकारी दिए।
रुपन्देही क्षेत्र नम्बर ५ बाट कांग्रेसका भरतकुमार शाहले मनोनयन दर्ता गरेका छन्। उनी यो क्षेत्रमा बलियो उम्मेदवार मानिन्छन्।
२०७४ को चुनावमा वाम गठबन्धनबाट उम्मेदवार बनेका माओवादी केन्द्रका डिलाराम आचार्यलाई १२ हजार बढी मतअन्तरले पराजित गरेका थिए।
Shares
प्रतिक्रिया