ad ad

समाज


यी प्रदेशमा वर्षा र हावाहुरीको सम्भावना

यी प्रदेशमा वर्षा र हावाहुरीको सम्भावना

फाइल तस्बिर : हावाहुरी


नेपालखबर
बैशाख २७, २०८० बुधबार ७:२७, काठमाडौँ

आज (बुधबार) तीनवटा प्रदेशका पहाडी क्षेत्रमा पानी पर्ने सम्भावना रहेको मौसम पूर्वानुमान महाशाखाले जनाएको छ। 

महाशाखाले आज बिहान ६ बजे जारी गरेको मौसम पूर्वानुमान बुलेटिनअनुसार दिउँसो  देशका पहाडी क्षेत्रमा आंशिक बदली (२६ प्रतिशतदेखि ५० प्रतिशतसम्म आकाश बादलले ढाकिनु) रही बाँकी स्थानमा मौसम आंशिक बदलीदेखि सामान्यतया सफा (२५ प्रतिशत आकाशमा बादल लाग्नु) रहने छ। कोशी, गण्डकी र कर्णाली प्रदेशका पहाडी भेगका एक/दुई स्थानमा भने आज दिउँसो मेघगर्जन/चट्याङसहित क्षणिक वा हल्का वर्षाको सम्भावना छ। 

महाशाखाका अनुसार दिउँसो लुम्बिनी प्रदेशका तराईका केही स्थानमा सामान्य हावाहुरीको पनि सम्भावना छ।

यस्तै राति देशको पहाडी भेगमा आंशिक बदली रही बाँकी स्थानमा मौसम सामान्यतया सफा रहने छ। गण्डकी प्रदेशका पहाडी क्षेत्रका एक/दुई स्थानमा मेघगर्जन/चट्याङसहित क्षणिक वा हल्का वर्षाको सम्भावना रहेको महाशाखाको बुलेटिनमा उल्लेख छ।

मौसमविद्का अनुसार हाल देशमा  स्थानीय वायु तथा पश्चिमी वायुको सामान्य प्रभाव छ। 

महाशाखाले आगामी २४ घण्टा (बिहीबार बिहान ६ बजेसम्म) का लागि चेतावनी तथा परामर्श पनि जारी गरेको छ। 

जसमा भनिएको छ– कोशी प्रदेश, गण्डकी प्रदेश र कर्णाली प्रदेश र सुदूरपश्चिम प्रदेशका पहाडी भूभागका एक/दुई स्थानमा मेघगर्जन/चट्याङसहित क्षणिक वा हल्का वर्षाको सम्भावना रहेकाले त्यसबाट हुन सक्ने क्षति/जोखिमबाट बच्न आवश्यक सतर्कता अपनाउन हुन अनुरोध छ।

प्रतिक्रिया

नेपाल खबर प्रा.लि
सूचना विभाग दर्ता नंः ५४९/०७४-७५

Nepal Khabar Pvt. Ltd.

Blue Star Complex
Thapathali-11, Kathmandu, Nepal
+977 01 5340505 / 5341389
Admin:info@nepalkhabar.com
News:news@nepalkhabar.com

विज्ञापनका लागि सम्पर्क


+977 9851081116
advertising@nepalkhabar.com
Copyright © 2021 Nepalkhabar. All Rights Reserved. Designed byCurves n' Colors. Powered by .