युनिकोड
धनुषाको जनकनन्दनी गाउँपालिकाबाट प्रहरीले दुई जनालाई पेस्तोलसहित पक्राउ गरेको छ।
मंगलबार जनकनन्दनी गाउँपालिका–५ बरनझुल्लाबाट पेस्तोल १ थान र म्यागजिन १ थान सोही ठाउँ बस्ने २६ वर्षीय दिपेशकुमार महतो र १९ वर्षीय शुभकेश महतोलाई प्रहरीले पक्राउ गरेको हो।
हतियारसहित दुई युवाहरु हिँडिरहेको सूचनाका आधारमा ईलाका प्रहरी कार्यालय खजुरी धनुषाबाट खटिएको प्रहरीले उनीहरुलाई पक्राउ गरेको हो।
प्रहरीले महतोको घरभन्दा करिब ५ सय मिटर पर आफ्नै आँपको बगैंचामा लुकाई छिपाई राखेको अवस्थामा उक्त पेस्तोल फेला पारी उनीहरुलाई पक्राउ गरेको हो।
प्रहरीले दुवै जनालाई हतियारसहित नियन्त्रणमा लिएर आवश्यक अनुसन्धान गरिरहेको जनाएको छ।
प्रतिक्रिया