युनिकोड
काठमाडौंको चाबहिलमा दुई मोटरसाइकल आपसमा ठोक्किँदा एक युवकको मृत्यु भएको छ। दुर्घटनामा अन्य तीन जना घाइते भएका छन्।
सोमबार साँझ चाबहिलमा प्रदेश १-०२-०५० प ६७८९ र बा.प्र-२-०४४ प २८५० नम्बरको मोटरसाइकल ठोक्किँदा वीरगञ्ज घर भई काठमाडौंको पुतलीसडक बस्ने ३२ वर्षीय पर्शुराम महतोको मृत्यु भएको हो।
महतो बा.प्र-०२-०४४ प २८५० नम्बरको मोटरसाइकलमा सवार थिए। दुर्घटनामा गम्भीर घाइते भएका उनको उपचारको क्रममा ओम अस्पतालमा मृत्यु भएको प्रहरीले जनाएको छ।
घाइते ३ जनाको ओम अस्पतालमै उपचार भइरहेको छ।
प्रतिक्रिया