मनहरी खोलाको बगरमा भेटियो नवजात शिशुको शव

मकवानपुरको मनहरी गाउँपालिकामा नवजात शिशुको शव फेला परेको छ।  

मनहरी –७ रमौली बाङ्गेटोलस्थित मनहरी खोलाको बगरमा सालनालसहित नवजात शिशुको शव फेला परेको जिल्ला प्रहरी कार्यालय मकवानपुरले जनाएको छ।

प्रहरीका अनुसार भर्खरै जन्मेको जस्तो देखिने नवजात (छोरा) शिशुको शव देखेपछि स्थानीयवासीले प्रहरीलाई खबर गरेको थिए।

शव परीक्षणका लागि हेटौँडा अस्पतालमा राखिएको जिल्ला प्रहरी कार्यालय मकवानपुरका प्रहरी नायव उपरीक्षक लक्ष्मी भण्डारीले जानकारी दिए।

घटनाको अनुसन्धान भइरहेको प्रहरीले जनाइएको छ।