चट्याङ र हावाहुरीसहित वर्षा गराउने प्रणाली पूर्व फैलिँदै छ, सतर्कता अपनाउनू : महाशाखा

हाल (बिहीबार बेलुका) काठमाडौँ उपत्यकासहित लुम्बिनी प्रदेश, गण्डकी प्रदेश, बागमती प्रदेश र कोसी प्रदेशमा मेघगर्जन/चट्याङ,  हावाहुरीसहित वर्षा गराउने प्रणाली विकास भएको र यो पूर्व दिशातर्फ फैलिने क्रममा रहेको मौसम पूर्वानुमान महाशाखाले जनाएको छ। 

महाशाखाका अनुसार उक्त प्रणालीका कारण कोसी, बागमती, गण्डकी प्रदेशका थोरै स्थान तथा लुम्बिनी प्रदेशका एक/दुई स्थानमा मेघगर्जन/चट्याङ, हावाहुरीसहित हल्कादेखि मध्यम वर्षा भइरहेको छ। 

महाशाखाले सूचना जारी गर्दै भनेको छ– आज राति कोसी, मधेस, बागमती र गण्डकी प्रदेशका थोरै स्थान तथा लुम्बिनी प्रदेशका पहाडी भूभागका एक/दुई स्थानमा मेघगर्जन/चट्याङसहित हल्कादेखि मध्यम वर्षाको सम्भावना रहेकाले आवश्यक सतर्कता अपनाउनु हुन अनुरोध छ।