युनिकोड
रुकुम पूर्वी जिल्लाको सिस्ने गाउँपालिका–१ दल्ली गैरामा अविरल वर्षाको कारण असार २४ गते राती पहिरोमा परी घाईते भएका तीन जनाको उद्धार गरिएको छ भने एक जना मृत अवस्थामा फेला परेका छन्।
सोही ठाउँको सल्ली बिसैनी घर भई दल्ली गैरा गोठमा राति सुतिरहेको अवस्थामा पहिरो गई ४० वर्षीय कर्ण बहादुर बुढा, ३८ वर्षीया गम्मा बुढा र ९ वर्षीया तिलसरा बुढा गम्भीर घाइते भएका छन् भने ७ वर्षीय संगम बुढा मृत अवस्थामा फेला परेका थिए।
सो घटनाबारे जानकारी पाउनासाथै सशस्त्र प्रहरी बल नेपाल आश्रित गुल्म रुकुम पूर्व, नेपाल प्रहरी र स्थानीय वासिन्दाले उद्धार गरी उपचारको लागि जिल्ला अस्पताल रुकुम पूर्वतर्फ पठाईएको सशस्त्रका सहप्रवक्ता डीएसपी शैलेन्द्र थापाले जानकारी दिए।
प्रतिक्रिया