युनिकोड
रोल्पाको लुङ्ग्री गाउँपालिका १ पाँङ ऐपेमा पहिरोले घर पुरिँदा ओछ्यानमा सुतिरहेको अवस्थामा दुई बालकको मृत्यु भएको छ।
स्थानीय ज्ञानसिंह घर्ती मगरका छोराद्वय ८ वर्षका छोरा अमर र ११ वर्षका युवराजको पहिरोमा पुरिएर मृत्यु भएको जिल्ला प्रहरी कार्यालय रोल्पाका प्रवक्ता प्रहरी निरीक्षक शंकर खड्काले जानकारी दिए।
हजुरबुवा, हजुरआमा र आमासँगै सुतेका उनीहरुको माथिबाट खसेको पहिरोले घर पुर्दा मृत्यु भएको हो। मृतक बालकका बुवा भने रोजगारीको शिलशिलामा भारतमा छन्।
बालकका आमा, हजुरआमा र हजुरबुवालाई भने खासै चोट नलागेको प्रहरीले जनाएको छ।
प्रतिक्रिया