इंग्लिस प्रिमियर लिगअन्तर्गत मंगलबार राति भएको खेलमा लिभरपुलले म्यानचेस्टर युनाइटेडमाथि ४–० गोलको महत्वपूर्ण जित हात पारेको छ।
मंगलबारको खेलमा लिभरपुललाई जित दिलाउने क्रममा मोहम्मद सलाहले २ गोल गरे। त्यस्तै लुइस डियाज र साडियो मानेले १/१ गोल थपे ।
यसअघि गत अक्टोबरमा पनि लिभरपुलले युनाइटेडमाथि ५–० गोल अन्तरको जित हात पारेको थियो।
प्रिमियर लिगको एकै सिजनमा युनाइटेडविरुद्ध कम्तीमा ८ गोल प्रहार गर्ने लिभरपुल पहिलो क्लब बनेको छ।
यससँगै लिभरपुल लिगको शीर्षस्थानमा पनि उक्लिएको छ। ३२ खेलबाट उसले ७६ अंक बटुलेको छ।
यद्यपि दोस्रो स्थानमा रहेको म्यानचेस्टर सिटीले १ खेल कम खेल्दै ७४ अंक जोडेको छ।
57
Shares
प्रतिक्रिया