इन्डियन प्रिमियर लिग (आईपीएल)अन्तर्गत सोमबार भएको खेलमा पञ्जाब किंग्सले चेन्नई सुपर किंग्समाथि ११ रनको जित हात पारेको छ।
सोमबारको खेलमा पहिला ब्याटिङ गरेको पञ्जाबले निर्धारित २० ओभरमा ४ विकेट गुमाउँदै १८७ रन बनाएको थियो।
पञ्जाबका लागि शिखर धावनले अविजित ८८ रनको पाली खेले भने भानुका राजपाक्षले ४२ रन बनाए।
जवाफी ब्याटिङमा उत्रिएको चेन्नईले निर्धारित ओभरमा ६ विकेटको क्षतिमा १७६ रन मात्र बनाउन सक्यो।
चेन्नईका लागि अम्बाती रायडूले ७८ रन बनाए पनि त्यो जितका लागि पर्याप्त हुन सकेन।
जारी आईपीएलमा चेन्नईको लागि यो छैटौं हार हो।
चेन्नईले ८ खेलबाट ४ अंक बनाएको छ भने पञ्जाबले समान ८ खेलबाट ८ अंक जोडेको छ।
78
Shares
प्रतिक्रिया