ओमनविरुद्ध फिल्डिङ गर्दै नेपाल, सुशानको ठाउँमा सागरलाई मौका

आईसीसी विश्वकप लिग –२ त्रिकोणात्मक ओडिआई सिरिजमा ओमानविरुद्ध नेपालले फिल्डिङ सुरु गरेको छ।

टस जितेको ओमानले सुरुमा ब्याटिङ रोजेको हो। 

आजको खेलमा नेपालमा एक जना खेलाडी परिवर्तन गरेको छ।

स्पिनर सुशान भारीको स्थानमा सागर ढकालले मौका पाएका छन्। यसअघि पहिलो खेलमा नेपाल ओमानसँग १३ रनले पराजित भएको थियो। 

ओमानले भने अमेरिकासँग एक खेलमा जित र एक खेलमा हार ब्यहोरेको छ। नेपाल र अमेरिकाको पहिलो खेल टाइ भएको थियो। अमेरिकासँगको दोश्रो खेल बाँकी छ। 

नेपाल र ओमानबीच भएका ओडिआईका ५ खेलमा नेपालले एक मात्रै जित निकाल्न सकेको छ। चार खेलमा पराजित भएको छ।