युनिकोड
युईएफए च्याम्पियन्स लिग खेल्ने तीन टोलीको टुंगो मंगलबार राति लाग्ने भएको छ। समूह चरणका लागि प्लेअफबाट आउने ६ टोली मध्ये मंगलबार राति अन्तिम चरणका ३ खेल हुँदैछन्।
लिगका तीनै खेल राति १२ः४५ बजे हुनेछन्।
लिगमा रहेका शीर्ष टोलीबाट २६ टिम छनोट भइसकेका छन्। प्लेअफबाट बुधबार बाँकी ३ टोलीको टुंगो लाग्नेछ। मंगलबार राति बेन्फिका र डिनामो किएभ भिड्दैछन्। पहिलो लिगमा बेन्फिका २–० ले अगाडि छ।
यस्तै रेड स्टार बेलग्रेड र मक्काबी हाइफा मध्यबाट एउटा टोली आउने छ। पहिलो लिगमा रेड स्टार ३–२ ले अगाडि छ। यस्तै काराबाग र प्लेजन पनि मंगलबार राति नै भिड्दैछन्। यी टोलीले पहिलो लिग गोलरहित बराबरी खेलेका छन्।
बुधबार बाँकी ३ टोलीको टुंगो लागेसँगै समूह चरणको ४ पटमा विभाजन गरिनेछ। एउटा पटमा ८ वटा टोली रहनेछन्।
हरेक पटबाट एक एक टोली छनौट गरेर समूह चरणको ड्र गरिनेछ। युरोपका शीर्ष ६ लिगका बिजेता, च्याम्पियन्स लिग र युरोपा लिगका बिजेता एउटै पटकमा रहनेछन्।
एउटै पटमा रहने टोली फरक फरक समूहमा पर्नेछन्।
प्रतिक्रिया