ad ad

खेल


पीएनजीविरुद्ध आशिफ र सन्दीपको कीर्तिमान

पीएनजीविरुद्ध आशिफ र सन्दीपको कीर्तिमान

नेपालखबर
फागुन १९, २०७९ शुक्रबार १९:२७, काठमाडौँ

आईसीसी लिग २ मा नेपालका लागि आशिफ शेख र सन्दीप लामिछानेले कीर्तिमानी साझेदारी गरेका छन्।

नेपाललाई ३ विकेटको रोमाञ्चक जित दिलाउने क्रममा आठौँ विकेटका लागि सर्वाधिक रन साझेदारीको कीर्तिमान बनाएका हुन्। 

नेपालले ७ विकेट गुमाइसकेको अवस्थामा क्रिजमा आएका सन्दीपले आशिफसँग कीर्तिमानी ७७ रनको साझेदारी गरे।

आठौँ विकेटका लागि नेपाली ब्याटरले गरेको यो सर्वाधिक रनको साझेदारी हो। 

यसअघि नेपालका लागि दीपेन्द्रसिंह ऐरी र सोमपाल कामीको नाममा ५५ रनको साझोदारीको रेकर्ड थियो।

नेपालका सुरुवातका ६ ब्याटरले दोहोरो अंकमा रन जोड्न नसक्दा धरापमा परेको नेपाली इनिङ्स आशिफ एक्लै सम्हालिरहेका थिए। 

कुशल मल्लले २३ रन बनाए पनि विकेट नटिक्दा नेपाल हार नजिक पुगेको थियो।

१०५ रन बनाउँदा ७ विकेट गुमाएको नेपाललाई कुशल र सन्दीपले अबिजित रहँदै महत्वपूर्ण जित दिलाए।

आशिफले १३० कलमा २ चौका र १ छक्काको मद्दतमा नटआउट ८६ रन जोडे। सन्दीप ५० बलमा ३ चौकासहित ३५ रनमा अविजित रहे। 

पीएनजीले दिएको १८० रनको लक्ष्य नेपालले १२ बल बाँकी हुँदा पूरा गर्यो। यसअघि युएईविरुद्ध पनि सन्दीपले नटआउट २६ रन जोडेका थिए। 

सन्दीपले एक दिवसीयमा सर्वाधिक रनको आफ्नै कीर्तिमान पनि तोडेका छन्। यसअघि उनले सर्वाधिक २८ रन जोडेका थिए।

प्रतिक्रिया

नेपाल खबर प्रा.लि
सूचना विभाग दर्ता नंः ५४९/०७४-७५

Nepal Khabar Pvt. Ltd.

Blue Star Complex
Thapathali-11, Kathmandu, Nepal
+977 01 5340505 / 5341389
Admin:info@nepalkhabar.com
News:news@nepalkhabar.com

विज्ञापनका लागि सम्पर्क


+977 9851081116
advertising@nepalkhabar.com
Copyright © 2021 Nepalkhabar. All Rights Reserved. Designed byCurves n' Colors. Powered by .