युनिकोड
नेपाललाई आइसीसी विश्वकप क्रिकेट छनोट चरणमा पुर्याउन महत्वपूर्ण योगदान दिएका दाजुभाइ आरिफ शेख र आशिफ शेखलाई वीरगञ्ज महानगरपालिकाले मोटरसाइकल उपहार दिने भएको छ।
महानगर प्रमुख राजेश मान सिंहले शुक्रबार एक वक्त्य जारी गर्दै आईसीसी क्रिकेट विश्वकप लिग २ मा तेश्रो हुँदै नेपाललाई विश्वकपको ग्लोवल क्वालिफायरमा पुर्याएर राष्ट्रको शान बढाएकव भन्दै सिंहले यो घोषणा गरेका हुन्।
विश्व मानचित्रमा नेपालको नाम जाज्वल्य पार्ने वीरगञ्जका खेलाडीहरु ओपनिङ्ग व्याट्सम्यान आसिफ शेख र अलराउण्डर आरिफ शेखको महत्वपूर्ण योगदान गौरवको विषय हो', उनले भनेका छन्, 'राष्ट्रका गहनालाई सम्मान र प्रोत्साहन गर्नु सबै तहका सरकारको उत्तिकै दायित्व पनि हो।'
उनले यो खुसी र गौरवको क्षणमा आगामी दिनमा अझ राम्रो प्रदर्शनको अपेक्षा राख्दै दुवै खेलाडीलाई थप प्रोत्साहन र हौसलास्वरुप महानगरको तर्फबाट यामाहा एफजेड एफआई मोटरसाइकल एक/एक थान प्रदान गर्ने घोषणा गर्दछु।'
मधेश प्रदेश सरकारले पनि आरिफ र गुल्सन झालाई जनही २/२ लाख रुपैयाँ नगद दिने घोषणा बिहीबार नै गरिसकेको छ।
प्रतिक्रिया