युनिकोड
राष्ट्रिय फुटबल टोली र उमेर समूहलगायतलाई च्याम्पियन बनाइसकेका बालगोपाल महर्जनले प्रशिक्षकका रुपमा पहिलो पटक ए डिभिजन लिग जितेका छन्।
प्रदीप हुमागाईँले छाडेपछि आठौं चरणको खेलबाट मात्रै महर्जनले चर्च ब्वाइजको कमान सम्हालेका थिए।
उनले थपे, 'घरेलु फुटबलको मेरुदण्ड लिग हो, होम एण्ड अवेको लिगमा च्याम्पियन बन्न पाँउदा खुसी लागेको छ। एक खेल अगावै च्याम्पियन बन्दा यसको श्रेय सबै खेलाडीलाई दिन चाहान्छु। देशको टोली होस् वा लिग, क्लब सबैमा एउटा प्यासन आवश्यक छ जुन खेलाडीमा थियो।'
अन्जन, अनन्त सम्मलित यू १९ टोलीले सन् २०१५ मा घरेलु मैदानमा साफ च्याम्पियन बनाउँदा उनै महर्जन प्रशिक्षक थिए।
राष्ट्रिय टोलीलाई बंगबन्धु गोल्डकप जिताएका महर्जनले १३ औं दक्षिण एसियाली खेलकुद (साग) मा यू २३ टोलीलाई स्वर्ण पदक दिलाएका थिए। उनले काठमाडौं रेजर्सलाई एनएसएल जिताएका थिए।
प्रतिक्रिया