युनिकोड
भारतीय टोलीकी हिटर केपी अनुश्री ले चितवन शक्तिबाट एभरेष्ट महिला भलिबल लिग (इडब्ल्युभिएल) खेल्ने भएकी छिन्।
चितवनले बुधबरा तेस्रो विदेशी खेलाडीको रुपमा अनुश्रीलाई सार्वजनिक गरेको हो।
केपी अनुश्रीलाई चितवनलाई आउटसाइड हिटरको रुपमा टोलीमा भित्राएको हो।
उनले यसअघि एनभीएल क्लब च्याम्पियनसिप र एनभीएल लिगमा एभरेष्ट क्लब बुटवलबाट नेपालको घरेलु लिग खेलिसकेकी छिन्।
केपी अनुश्री टोलीमा आवद्ध हुँदा टिम बलियो हुने र नेपाली भलिबल प्रेमी दर्शकका लागि पनि खेल रोमाञ्चक हुने चितवनले आशा गरेको छ।
चितवन शक्तिले यसअघि विदेशी खेलाडीका रुपमा अजरबैजानकी आउटसाइड हिटर केन्सिया पावेल्निको र भारतकी मिडल ब्लकर सुर्या एसलाई अनुबन्ध गरिसकेको छ।
प्रतिक्रिया