युनिकोड
एभरेस्ट वुमन्स भलिबल लिग (इडब्लुभिएल) को ट्रफी सार्वजनिक भएको छ।
आयोजक इन्फिनिटी ड्रिम्स प्रालिले एक कार्यक्रम गर्दै लिगको ट्रफी सार्वजनिक गरेको हो।
भलिबल संघका अध्यक्ष जितेन्द्र बहादुर चन्द, महासचिव रोशन श्रेष्ठ, वात्सल्य नेचुरल आइभिएफका प्रबन्ध निर्देशक प्रशान्त सुवीदी र इन्फिनिटी ड्रिम्सकी सीईओ स्नेभी चापागाईंले संयुक्त रुपमा लिगको ट्रफी सार्वजनिक गरेका हुन्।
यसैबीच प्रालिले ट्रफीसँगै लिगको मुख्य प्रायोजक पनि घोषणा गरेको छ। लिगलाई वात्सल्य नेचुरल आइभिएफले दुई वर्षका लागि मुख्य प्रायोजन गरेको छ। मुख्य प्रायोजन वापत वात्सल्यले करिब ७० लाख रुपैयाँ बराबरको प्रायोजन गर्नेछ।
आगामी असोज १४ देखि १९ गतेसम्म हुने लिगमा ६ टोलीले सहभागिता जनाउँदैछन्।
प्रतिक्रिया