युनिकोड
राष्ट्रिय फुटबल टोलीका सदस्य एरिक विष्ट कोरोना सक्रमण मुक्त भएका छन्। फिफा विश्वकप छनोट अन्तर्गत बन्द सत्रमा बस्नु अघि गरिएको कोरोनाको पीसीआर परिक्षणमा उनको रिपोर्ट पोजेटिभ आएको थियो।
करिब १९ दिन क्वारेन्टिनमा रहेका विष्ट शुक्रबार कोरोना मुक्त भएको अखिल नेपाल फुटबल संघ एन्फाले जनाएको छ।
एन्फाले राष्ट्रिय फुटबल टोलीका खेलाडी, अफिसीयलसहित ५४ जनाको स्वाब संकलन गर्दा विष्टको शंकास्पद नतिजा आएपछि पुनः परिक्षण गरिएको थियो। ललितपुरको पाटन अस्पतालमा गरिएको कोरोनाको पीसीआर परिक्षण गर्दा विष्टको रिपोर्ट पोजेटिभ आएको थियो।
कोरोना सक्रमणको सुरुवाती दिनमा मानसिक तनाव भएपनि अहिले पुर्ण रुपमा ठिक भएको विष्टले बताएका छन्।
प्रतिक्रिया