नेपाली लेग स्पिनर सन्दीप लामिछाने सम्मिलित जमैका तलाबाज क्यारेबियन प्रिमियर लिग (सीपीएल)को सेमिफाइनलमा प्रवेश गरेको छ।
आज बिहान भएको खेलमा गुयाना एमेजन वारियर्सले बार्बाडोस ट्राइडेन्सलाई ६ विकेटले पराजित गरेपछि जमैकाले दुई खेलअगावै अन्तिम ४ मा स्थान बनाएको हो।
आठ खेलमा चार वटामा हार र तीन वटामा जित तथा एक खेलमा अंक बाँडेको जमैका चौथो स्थानमा छ।
यसअघि गएरातिको भएके खेलमा वर्षात् बाधक बनेपछि जमैका र सेन्ट किट्स एण्ड नेभियस प्याटियटसले अंक बाँडेका थिए।
अपराजित ट्रिनबेगो नाइट राइडर्स आठ खेलमा १६ अंकका साथ शीर्ष स्थानमा छ। १० खेलमा ६ मा जित र ४ मा हारसहित १२ अंक जोड्दै गुयाना दोस्रो स्थानमा रहँदा सेन्ट लुसिया जुक्स ८ खेलमा ५ मा जित र ३ मा हारसहित तेस्रो स्थानमा छ।
ट्रिनबेगो नाइट राइडर्स, गुयाना, सेन्ट लुसिया जुक्स र जमैकाले सेमिफाइनलमा स्थान बनाएका छन्।
लिगमा बार्बाडोस र सेन्ट किट्स एण्ड नेभियस प्याटियटस सिपिएलको लिग चरणबाटै बाहिरिने टोली बनेका छन्। बार्बाडोस ९ खेलमा २ मा जित र ७ मा हारसहित ४ अंकका साथ पाँचौँ स्थानमा छ।
९ खेलमा ७ मा हार र १ मा जितसहित ३ अंक जोड्दै सेन्ट किट्स अंकतालिकाको पुछारमा छ।
अंक तालिका शीर्ष स्थान र चौथो स्थानमा रहेको टोलीबीच पहिलो सेमिफाइनल हुनेछ। दोस्रो सेमिफाइनलमा अंक तालिकामा दोस्रो र तेस्रो स्थानमा रहने टोलीबीच प्रतिस्पर्धा हुनेछ। ८ सेप्टेम्बरमा सेमिफाइनल खेल हुने लिगको फाइनल सेप्टेम्बर १० मा हुनेछ।
प्रतिक्रिया