चलिरहेको मोटरसाइकलबाट खसेर महिलाको मृत्यु

कैलालीमा बुधबार मोटरसाइकल दुर्घटनामा परेर एक महिलाको मृत्यु भएको छ। जिल्ला प्रहरी कार्यालयका अनुसार भजनी नगरपालिका– ३ ठेकीपुल भजनीमा चल्दै गरेको मोटरसाइकलबाट खसेर महिलाको मृत्यु भएको हो।

भजनी नगरपालिका–८ का ३४ वर्षीय ओमप्रकाश डगौराले चलाएको बा.५६ प. ४६२१ नम्बरको मोटरसाइकल पछाडि सवार सोही ठाउँकी ५० वर्षीय जानकी देवी डगौराको मत्यु भएको प्रहरीले जनाएको छ।

चल्दै गरेको मोटरसाइकलबाट खसेर उनको टाउकोमा गम्भीर चोट लागेको थियो। प्राथमिक स्वास्थ्य केन्द्र भजनीमा उपचारको क्रममा जानकीको मृत्यु भएको हो।

मोटरसाइकल र चालकलाई अहिले ईलाका प्रहरी कार्यालय भजनीको नियन्त्रणमा छन्।