युनिकोड
कैलालीमा बुधबार लागुऔषध खैरो हिरोइनसहित एक जना पक्राउ परेका छन्। लागु औषध मुद्दामा फरार अर्का युवकलाई पनि प्रहरीले नियन्त्रणमा लिएको छ।
धनगढी उपमहानगरपालिका–३ व्यारेलबाट ६४० मिलिग्राम लागु औषध खैरो हिरोइनसहित सुनसरी धरान उपमहानगरपालिका–१५ का २७ वर्षीय प्रदीप ढकाललाई प्रहरीले पक्राउ गरेको छ।
प्रहरी चौकी त्रिनगरबाट खटिएको टोलीले उनलाई समातेको हो।
यस्तै, लागुऔषध मुद्दामा फरार धनगढी उपमहानगरपालिका–१ का ३० वर्षीय बलबहादुर धामी पक्राउ परेका छन्। उनी करिब ७ वर्षपछि बुधबार घरबाटै समातिएका हुन।
जिल्ला अदालत कैलालीले वि.सं. २०७३ चैत्र १० गते लागु औषध मुद्दामा उनलाई ८ महिना ११ दिन कैद र ५ हजार जरिवाना तोकेको थियो। त्यपछि उनी फरार थिए।
प्रतिक्रिया