युनिकोड
दार्चुलामा जिप दुर्घटना हुँदा १० जना घाइते भएका छन्।
बिहीबार दिउँसो मालिकार्जुन गाउँपालिका-७ धामीगडामा जिप दुर्घटना भएको हो।
जिल्ला प्रहरी कार्यालय दार्चुलाका प्रहरी निरीक्षक छत्र रावतका अनुसार गोकुलेश्वरबाट सदरमुकाम खलंगातर्फ गइरहेको से १ ज १०२० नम्बर जिप अनियन्त्रित भएर सडक छेउको नालीमा खसेको हो।
घाइतेहरूको पहिचान खुलेको छैन। उनीहरूको अवस्था सामान्य रहेको प्रहरीले जनाएको छ।
उपचारका लागि अहिले घाइतेहरूलाई जिल्ला अस्पताल पुर्याइएको छ।
जिप चालकलाई प्रहरीले नियन्त्रणमा लिएको छ।
प्रतिक्रिया