संसद् भवनको पर्खालमा भदौ २३ र २४ झल्काउने कला कृति (तस्बिरहरू)

भदौ २३ को जेनजी आन्दोलनको केन्द्र बानेरश्वरस्थित संसद् भवनको पर्खालमा उक्त आन्दोलनमा ज्यान गुमाउनको सम्झनामा कला प्रस्तुत गरिएको छ। 

जेनजी आन्दोलनका बेला राष्ट्रिय संग्रहालय जोगाउन भूमिका खेलेका जुपीटर प्रधानको पहलमा यो प्रस्तुती भएको हो। 

कवि विप्लव प्रतिकले जेनजी आन्दोलनको बलिदान र त्यहाँ उठेको आवाजलाई बिर्सिएका छैनौँ भनेर कलाकारले प्रस्तुती दिएको बताए।

‘भदौ २३ र २४ मा जेनजीको विद्रोह भयो। त्यो विद्रोहलाई कसरी दबाउन खोजियो भन्ने कुरा सम्झनका लागि, उनीहरूले निकालेको आवाज दबिने छैन भन्ने सन्देश दिन हामीले प्रस्तुति दिएका हौँ,’ उनले भने, ‘भ्रष्टाचारविरुद्ध हामी कलाकारका तर्फबाट आवाज सधैं बुलन्द भइरहनेछ भन्ने सन्देश यही प्रस्तुति मार्फत दिन खोजिएको हो।’

प्रस्तुती गर्न चाहाने सबै कलाकारले आफ्ना प्रस्तुती दिएका थिए। जसमा एकजना विदेशी कलाकार पनि सामेल भएको प्रतिकले जानकारी दिए।