शर्मनाक हार्दा पनि कांग्रेसको सातै प्रदेशमा सिट, एमाले–नेकपा ३ प्रदेशमा नील

संसदीय निर्वाचनमा शर्मनाक हार ब्यहोरे पनि नेपाली कांग्रेसले सातै प्रदेशको उपस्थितिसहित १७ सिट जितेको छ। प्रत्यक्षतर्फ १६५ मा १७ सीट मात्र जित्दा कांग्रेस सबै प्रदेशमा निल हुनबाट जोगिएको हो। नेकपा एमाले, मधेस, बागमती र लुम्बिनी प्रदेशमा निल भएको छ भने नेकपा कोशी, मधेस र सुदूरपश्चिम प्रदेशमा नील भएको छ। सात प्रदेशमा रास्वपा ६ प्रदेशमा भारी सिटका सात पहिलो भएको छ। 

कांग्रेसका निवर्तमान कार्यवहाक सभापति पूर्णबहादुर खड्काको गृह प्रदेश कर्णालीमा कांग्रेसले २०७९ को चुनावभन्दा राम्रो परिणाम निकालेको छ। गत निर्वाचनमा गठबन्धनको बलमा ४ सिट जितेको कांग्रेसले अहिले एक्लै लड्दा पनि ५ सीट जित्न सफल भएको छ। ६ वटा प्रदेश रास्वपामय हुँदा पनि कर्णाली अछुतो देखियो। रास्वपा दुई तिहाइ उन्मुख देखिँदा कर्णालीमा १ सिटमै सीमित भएको छ। 

कोशी प्रदेशका २८ निर्वाचन क्षेत्र मध्ये पाँचथर, सोलुखुम्बु र तेह्रथुम गरी ३ सिट जितेको छ।
कांग्रेसबाट पाँचथर नरेन्द्र कुमार केरुङ, तेह्रथुममा सन्तोष सुब्वा र सोलुखुम्बुमा प्रकाश सिंह कार्की निर्वाचित भएका छन्। रास्वपाले १८ र श्रम संस्कृति पार्टीले ३ सिट जित्दा एमालेको ३ मा जित र २ मा अग्रता छ। मधेस प्रदेशमा क्लिनस्वीप गर्न कांग्रेसले रोकेको छ। ३२ वटा निर्वाचन क्षेत्र मध्ये ३० मा रास्वपाले जित्दा रौटहट–२ मा कांग्रेसका फिरदोश आलम निर्वाचित भएका छन्। धनुषा–१ को मतगणना भइरहेको छ।

धनुषा–१ मा रास्वपाका किशोरी साह कमलको उम्मेदवारी खारेज भएपनि चुनाव चिह्न ‘घण्टी’ मतको ओइरो लागिरहेको छ। उम्मेदवारी खारेजीको निर्णयविरुद्ध रासवपाका उम्मेदवार साह सर्वोच्च अदालत गएकाले निर्वाचन आयोगले अदालतबाट आदेश नहुँदासम्म धनुषा–१ को पत्यक्षतर्फको मतपरिणाम घोषणा नगर्न पत्र पठाएको छ। बागमती प्रदेशका ३३ सिटमा पनि कांग्रेस निल हुनबाट जोगिएको छ। कांग्रेसबाट रसुवामा मोहन आचार्य निर्वाचित भएका छन्।