२०२५ मा टिकटक : नेपालबाट जसलाई सर्वाधिक खोजियो

टिकटकले सन् २०२५ मा नेपालबाट सबैभन्दा बढी खोजिएका शब्दहरूको सूची सार्वजनिक गरेको छ। उक्त सूचीले वर्षभरि नेपाली प्रयोगकर्ताहरू चाडपर्व, संगीत ट्रेन्ड, घुमफिरका गन्तव्य, मनोरञ्जन र दैनिक जीवनका उपयोगी जानकारीप्रति कत्तिको जिज्ञासु थिए भन्ने झल्को दिन्छ।

यस वर्षको सर्च ट्रेन्डले टिकटक सर्च वास्तविक जीवनका लागि उपयोगी माध्यमका रूपमा बलियो बन्दै गएको देखाएको छ। दशैं–तिहार र तीजसँग सम्बन्धित सामग्रीदेखि खाना पकाउने रेसिपी, समाचार अपडेट, यात्रा योजना र स्थानीय सिफारिससम्मका खोजहरू टिकटकमा व्यापक रूपमा भएका छन्।

टिकटक दक्षिण एसियाका कन्टेन्ट अपरेसन्स लिड उमैस नवीदले भने, ‘टिकटक सर्च नेपालमा दैनिक जीवनको महत्वपूर्ण हिस्सा बन्दै गएको छ। मानिसहरू अब भिडियो मात्र हेर्दैनन्, उनीहरू वास्तविक समयमा जानकारी, सिफारिस र सन्दर्भ खोजिरहेका छन्। यस वर्षका टप सर्चहरूले टिकटकले नेपालीहरूलाई संस्कृति, समुदाय र दैनिक जिज्ञासासँग जोडिरहेको देखाउँछ।’

टिकटकका अनुसार २०२५ का सर्चहरूले उद्देश्यसहितका खोजहरूलाई उजागर गरेका छन्। यात्राका गन्तव्य, चर्चित सेलिब्रिटी, खेलकुद, प्रविधि, ट्रेन्डिङ विषय र भाइरल क्षणहरू नेपाली प्रयोगकर्ताको चासोको केन्द्रमा रहे। प्रमुख समाचार र सार्वजनिक घटनाबारे अपडेट रहन पनि प्रयोगकर्ताहरू टिकटक सर्चमा निर्भर देखिएका छन्।

२०२५ को अन्त्यसँगै सार्वजनिक गरिएको यो सूचीले सामूहिक उत्सव, दैनिक जीवनका चासो र क्रिएटर–केन्द्रित खोजहरूले भरिएको वर्ष रहेको संकेत गर्छ। टिकटकले नेपालमा सिर्जनशील र सशक्त कम्युनिटीलाई निरन्तर साथ दिने प्रतिबद्धता जनाएको छ।

सेलिब्रिटी