युनिकोड
केही दिनयता काठमाडौँ उपत्यकासहित मुलुकभर चिसो बढ्दो छ।
यसै क्रममा आज (बिहीबार) बिहान ५:४५ बजेको मापनमा काठमाडौँ उपत्यकाको न्यूनतम तापक्रम ६.० डिग्री सेल्सियस देखिएको मौसम पूर्वानमानुमान महाशाखाले नेपालखबरलाई जानकारी दिएको छ।
हिजो बुधबार पनि यो समयमा उपत्यकाको न्यूनतम तापक्रम त्यति नै थियो भने बिहान ८:४५ बजे थप घटेर ५.५ डिग्री सेल्सियसमा झरेको थियो। सबैभन्दा तल झरेको तापक्रम नै त्यस दिनको न्यूनतम तापक्रम हुन्छ।
आजको पनि आधिकारिक तापक्रम अहिले बिहान ८:४५ बजे पुन: मापन गरिन्छ। त्यतिबेलासम्म उपत्यकाको न्यूनतम तापक्रम अरू घट्ने सम्भावना रहन्छ।
मौसमविद्का अनुसार राति आकाशमा बादल लाग्यो भने बिहान न्यूनतम तापक्रम केही बढ्छ भने राति आकाश सफा रह्यो भने न्यूनतम तापक्रम घट्छ।
मौसम महाशाखाले हरेक दिन काठमाडौँसहित देशका विभिन्न स्थानको न्यूनतम र अधिकतम दुईथरी तापक्रम मापन गर्छ।
सबैभन्दा कममा झरेको तापक्रम त्यस दिनको न्यूनतम तापक्रम हो भने सबैभन्दा माथि पुगेको तापक्रम त्यस दिनको अधिकतम तापक्रम हुन्छ।
मौसमविद्का अनुसार न्यूनतम बिहान ८:४५ बजे मापन हुन्छ भने अधिकतम साँझ ५:४५ बजे मापन गरिन्छ।
हिजो बुधबार यस्तो थियो देशका विभिन्न स्थानका न्यूनतम र अधिकतम तापक्रम:
प्रतिक्रिया