युनिकोड
सीजी मोटर्सले हिरो ब्रान्डको जुम ११० स्कुटर बिक्री सुरु गरेको छ। गत वर्ष भारतमा सार्वजनिक भएको जुम स्कुटर नेपालमा पहिलो पटक भित्रिएको हो।
सीजी मोटर्सका अनुसार २ वटा भेरियन्टमा स्कुटर नेपालमा आएको छ। होन्डाको डिओसँग यसले प्रतिस्पर्धा गर्नेछ।
हिरो जुम बीएस ६ इन्जिनमा उपलब्ध छ। स्कुटरको अधिकतम पावर ८ हर्सपवार रहेको छ भने ८.७ टर्क जेनेरेट गर्छ। एफलाई इन्जिनमा स्कुटर उपलब्ध छ।
स्कुटर स्टार्ट बटम वा किकबाट गर्न सकिन्छ। स्कुटरको लम्बाइ १८ सय ८१, चौडाइ ७१७, उचाइ ७७० एमएम र ह्विलबेस १३ सय एमएम छ।
स्कुटरमा आधुनिक प्रविधि जडान गरिएको छ। लो फ्युल इन्डिकेटर, एसएमएस अलर्ट, ब्लुटुथ कनेक्टिभिटी, कलरआईडी समेत छ।
२ भेरियन्टमा उपलब्ध रहेकाे जुमकाे मूल्य २ लाख ४९ हजार ९०० र २ लाख ५९ हजार ९०० रहेकाे छ।
प्रतिक्रिया