घट्यो सुन र चाँदीको भाउ

नेपाली बजारमा बिहीबार सुन र चाँदीको भाउमा गिरावट देखिएको छ।

नेपाल सुनचाँदी व्यवसायीका अनुसार बुधबारको तुलनामा सुनको भाउ प्रतितोला एक हजार रुपैयाँले घटेको हो।

यससँगै छापावाल सुन प्रतितोला ९३ हजारमा आइपुगेको छ भने तेजावी सुन प्रतितोला ९२ हजार ५ सय रुपैयाँमा कारोबार आइपुगेको छ।

चाँदीको भाउ पनि बुधबारको तुलनामा प्रतितोला १० रुपैयाँले घटेको छ। चाँदी प्रतितोला ११५५ रुपैयाँमा कारोबार भइरहेको छ।