सुनको मूल्यमा दिनदिनै रेकर्ड, फेरि ५ सय रुपैयाँले बढ्यो

सुनको मूल्यले दुई दिनयता लगातार कीर्तिमान बनाएको छ। 

बुधबार फेरि तोलामा ५ सय रुपैयाँ बढेपछि मंगलबारको रेकर्ड तोडिएको हो। 

नेपाल सुनचाँदी व्यवसायी महासंघका अनुसार छापावाल सुन बुधबार १ लाख २३ हजार ५ सय रुपैयाँ र तेजाबी सुन १ लाख २२ हजार ९ सय रुपैयाँमा कारोबार भएको छ। 

त्यस्तै चाँदीको मूल्य भने मंगलबारको तुलनामा ५ रुपैयाँ सस्तो भएको छ। 

बुधबार चाँदी १ हजार ४ सय ४० रुपैयाँमा कारोबार भएको हो। 

मंगलबार एकै दिन २ हजार रुपैयाँ बढेपछि सुनको मूल्यमा १ लाख २३ हजार प्रतितोलाको रेकर्ड बनेको थियो।