फिल्म ‘दान्भी’ को नयाँ प्रदर्शन मिति तोकिएको छ। अभिनेत्री पूजा शर्माको जन्मदिनको अवसरमा फिल्मको नयाँ रिलिज मिति घोषणा गरिएको हो। यो फिल्म अब असारको ७ गतेबाट रिलिज हुनेछ।
यसअघि जेठ १० गतेको लागि डेट तोकिएको थियो। तर, सोही मितिमा ‘पुजार सार्की’ र ‘फर्की फर्की’ रिलिज हुने पक्का भएपछि यसको रिलिज मिति सारिएको हो।
असारको ७ गते अहिलेसम्म कुनै पनि नयाँ फिल्मको प्रदर्शन मिति तोकिएको छैन। यसैले ‘दान्भी’ले सोलो रिलिजको अवसर पाउनेछ ।
वितरक करण श्रेष्ठ र निर्माताहरुको छलफलपछि यो मिति तय गरिएको निर्देशक रुपेश तामाङले जानकारी दिएका।
यस फिल्ममा पूजासहित नव–अभिनेता कुन्साङ बोमजोमको मुख्य भूमिका रहेको छ। पूजा पहिलोपटक एक्सन अवतारमा देखिएकी छिन्।
देव मगर र अनुप गडाल निर्माता रहेको यो फिल्मका कार्यकारी निर्माता पवन राना मगर हुन्।
Shares
प्रतिक्रिया