कला


रहेनन् ‘टाइटानिक’ का अभिनेता बर्नार्ड हिल

रहेनन्  ‘टाइटानिक’ का अभिनेता बर्नार्ड हिल

नेपालखबर
बैशाख २४, २०८१ सोमबार १२:२, काठमाडौँ

हलिउड चर्चित फिल्म ‘टाइटानिक’ का अभिनेता बर्नार्ड हिलको निधन भएको छ। ‘टाइटानिक’ मा क्याप्टेन एडवर्ड स्मिथको भूमिकामा देखिएका उनको ७९ वर्षमा उमेरमा निधन भएको हो।

बीबीसीका अनुसार अभिनेताका एजेन्ट लु कोल्सनले उनको मृत्यु मे ५ (आइतबार) काे बिहान भएको पुष्टि गरेका छन्। तर, बर्नार्डको मृत्युको कारण भने खुलाइएको छैन।

बर्नार्ड ११ अस्कार जित्ने दुई फिल्ममा अभिनय गर्ने एक मात्र चलचित्र स्टार थिए। उनले सन् १९९७ मा रिलिज भएको ‘टाइटानिक’ र २००३ मा रिलिज भएको ‘लर्ड अफ द रिङ्स’ मा महत्वपूर्ण भूमिका निर्वाह गरेका थिए। यी दुवै फिल्मले ११–११ ओस्कर अवार्ड जितेका थिए।

बर्नार्डको निधनमा को-स्टार बारबरा डिक्सनले दु:ख व्यक्त गरेकी छिन्। 

‘बर्नार्ड हिलको निधन भएको कुरा अत्यन्तै दु:ख का साथ जानकारी गराउँछु। हामीले सन् १९७४ मा विली रसेलको शो ‘जोन पल जर्ज रिङ्गो एन्ड बर्टु’ मा सँगै काम गरेका थियौँ। उहाँ एक अद्भुत अभिनेता हुनुहुन्थ्यो। उहाँसँग भेट्नु र काम गर्न पाउनु सम्मानको कुरा हो,’उनले एक्समा लेखेकी छिन्। 

टाइटानिक र लर्ड अफ द रिङ्सबाहेक हिलले आफ्नो करियरमा गान्धी र द स्कर्पियन किंग लगायत धेरै हिट फिल्महरूमा काम गरेका थिए। आफ्नो ५० वर्षको अभिनय करियरमा फिल्मसहित हिलले टिभी सिरियल र नाटकमा काम गरिसकेका छन्।

प्रतिक्रिया

नेपाल खबर प्रा.लि
सूचना विभाग दर्ता नंः ५४९/०७४-७५

Nepal Khabar Pvt. Ltd.

Blue Star Complex
Thapathali-11, Kathmandu, Nepal
+977 01 5340505 / 5341389
Admin:info@nepalkhabar.com
News:news@nepalkhabar.com

विज्ञापनका लागि सम्पर्क


+977 9851081116
advertising@nepalkhabar.com
Copyright © 2021 Nepalkhabar. All Rights Reserved. Designed byCurves n' Colors. Powered by .