तालिबानको नियन्त्रणमा तीन बेलायती नागरिक

अफगानिस्तानमा चिकित्सक र पर्यटक व्यवसायीसहित तीन बेलायती नागरिकलाई तालिबानले हिरासतमा राखेको छ।

अफगानिस्तानस्थति मानवअधिकार सम्बन्धी संस्थाले गएको जनावरीमा ५३ वर्षीय चिकित्सक केभिन कर्नवेल र अर्का होटल प्रवन्धक (जसको नाम खुलेको छैन) लाई गोप्य प्रहरी हिरासतमा राखेको जनाएको छ।

यस्तै २३ वर्षीय माइल्स रुटलेजलाई तालिबानले नियन्त्रणमा लिएको छ। तालिबानी सरकार आएपछि रुटलेज बेलायतको एयरक्राफ्टमार्फत स्वदेश फर्किएका थिए। साहशिक यात्रा गर्ने उनी खतरनाक ठाउँको भ्रमण गर्ने हुँदा छुट्टी मनाउन हालै मात्रै पुन: अफगानिस्तान गएको बताइको छ।

बेलायतको विदेश मन्त्रालयले आफ्ना नागरिकलाई तालिबानले हिरासतमा राखेको पुष्टि गर्दै अफगानिस्तानमा हिरासतमा रहेका नागरिकसँग सम्पर्क गर्ने प्रयास गरिरहेको जनाएको छ।