बंगलादेशको अन्तरिम सरकारका प्रमुख सल्लाहकार मोहम्मद युनुसले भारत पुगेकी पूर्वप्रधानमन्त्री शेख हसिनाका धेरै राजनीतिक टिप्पणीले उनको गैरमैत्रीपूर्ण मनोवृत्तितर्फ संकेत गरेको बताएका छन्।
भारतीय समाचार एजेन्सी पीटीआईलाई दिएको अन्तर्वार्तामा युनुसले भने, ‘दुई देशबीचको असहजताबाट बच्न बंगलादेशले भारतलाई पठाउन अनुरोध नगरुन्जेल शेख हसिना चुपचाप बस्नुपर्छ।’
मोहम्मद युनुसले ढाकास्थित आफ्नो सरकारी निवासमा पीटीआईलाई यो अन्तर्वार्ता दिएका हुन्।
हसिना सरकार ढलेपछि मोहम्मद युनुसले देशको अन्तरिम सरकारको प्रमुख सल्लाहकारको जिम्मेवारी सम्हालेका हुन्।
उनले भने, ‘बंगलादेशले भारतसँग बलियो सम्बन्धलाई महत्त्व दिन्छ। तर भारत अवामी लिगबाहेक सबै राजनीतिक दललाई इस्लामवादी र शेख हसिनाबिनाको देश अफगानिस्तान बन्छ भन्ने प्रवृत्तिबाट मुक्त हुन आवश्यक छ।’
Shares
प्रतिक्रिया