युनिकोड
यही वैशाख १० गतेको उपनिर्वाचनबाट निर्वाचित सांसदहरु रवि लामिछाने र स्वर्णिम वाग्लेले शपथ लिएका छन्।
मंसिरको आमनिर्वाचनमा चितवन क्षेत्र नम्बर २ बाट विजयी लामिछानेले नागरिकता प्रकरणमा माघ १३ गते सांसद र मन्त्री सबै गुमाएपछि उपनिर्वाचन भएको थियो।
रविले सांसद पद गुमाउँदै गर्दा उपनिर्वाचनबाट एकको बदला तीन लिएर संसदमा फर्किने बताएका थिए।
उनले भनेअनुसार तीन त सम्भव भएन, तर कांग्रेसले मंसिरमै टिकट नदिएपछि असन्तुष्ट चर्चित अर्थविद् डा. स्वर्णिम वाग्लेलाई पनि साथमा लिएर पुन: संसद यात्रा गर्न सफल भएका छन्।
कांग्रेस छाडेका वाग्लेले तनहुँ क्षेत्र नम्बर १ मा कांग्रेसकै गोविन्द भट्टराईलाई फराकिलो मतसहित हराउँदै रविको जोरभाइ भएर संसद यात्रा गरेका हुन्।
स्वर्णिमले भोट माग्दा पनि आफूलाई नचिन्ने मतदाताहरुसँग रविको भाइ भन्दै परिचय दिएका दिने गरेका थिए।
प्रतिक्रिया