युनिकोड
नेपाल तरुण दलका अध्यक्ष विद्वान गुरुङले नेकपा एमा केपी ओलि प्राइभेट लिमिटेडमा परिणत भइसकेको बताएका छन्।
अध्यक्ष गुरुङले नेतृत्वको गलत कार्यविरुद्ध बोल्दा भीम रावल र घनश्याम भुसाल जस्ता नेताहरुलाई बञ्चित गर्ने ओलीले तीन करोड जनताको भावना समेट्न नसक्ने तर्क गरे।
निरंकुशतन्त्र लाद्ने ओलीले पटक पटक संसद विघटन गर्दै महाराज बन्ने सपनामा देशलाई अनिर्णयको बन्दी बनाएको आरोप अध्यक्ष गुरुङले लगाए।
उनले अर्कातिर पर्वतको प्रतिनिधिका रुपमा निर्वाचित भएका पदम गिरीले सांसद भएपछि चर्का भाषण गरे पनि गाउँमा सिन्को नभाँचेको बताए।
अब पर्वतको विकासका लागि वाम लोकतान्त्रिक गठवन्धनलाई बहुमतले जिताउनु पर्ने आवश्यकता रहेको उनले बताए।
गुरुङले पार्टीमा केही असन्तुष्टि रहे पनि यो पटक वाम लोकतान्त्रिक गठबन्धनलाई जिताएर इतिहास रच्न आग्रह गरे।
प्रतिक्रिया